無病呻吟 / a.k.a.正人渣

說話唔多講，呢啲人一個都嫌多
--------------------------------------------
今日嘅香港, 社會俞來俞貧富懸殊, 就算係受過大學教育的一群, 如果冇人資助首期的話, 真係冇咩可能買得起樓…… 見你地成曰講d樓, 我真係好想問, 點解你地有咁多錢比首期?我大學畢業做咗3年嘢, 月入18k, 但計來計去都冇可能儲到首期,日常生活費如下:1. 屋租 6k (觀塘區), (阿爸阿媽住上水, 我成日10點幾放工, 所以上水太遠, 無奈要捱貴租)2. 早餐 $25*30 = $7503. 午餐 $40*30=$12004. 晚餐(我及女友) $70*30*2=$4200 5. 唱k, 睇戲, 娛樂 (一星期一次) $400*4=$1600 6. 電話費, 上綱費 =$5007. 保險, 卡數 =$15008. 交通費 $10009. 家用=$500 - $1000total $17750問心我已經好慳, 上便重未計屋企雜費,如果要買一個上車盤, for example 昇月居, 就算我借9成都要比三十幾萬, 根本冇可能!!!! 唔通真係要我買深水埗唐樓, 住一樓一對面咩???? 其實市區樓全部都好貴, 其實我唔係唔肯住遠d, 但我番工時間好長,女友又住在柴灣, 如果我住上水大埔, 一個星期都見唔到佢一次……可能你地個個都有屋企比首期啦, 我就冇你地咁幸福, 我老豆重窮過我,指意佢幫就死得….. 天生冇錢冇辦法…..其實我只係想有一層好普通嘅樓, 唔算過份呀! 老豆冇錢冇辦法…..唉, 計落真係要月入$40,000 先買得起, 唔通真係要三十幾歲先可以結婚生仔?到時個仔未畢業我都死咗啦!自問人工都唔係太低, 但政府公屋冇我份, 交稅就有我份女友人工唔多, 佢自己都唔夠駛, 幫我唔到其實根本嘅問題, 就係政府的高地價政策, 地價高, d樓自然要賣番咁貴, 香港表面上係低稅率, 但高樓價其實係間接稅的一種, 實質上香港人其實係比緊好多好多稅, 可能高過美國, 加拿大!!!!
---------------------------------------------------
經過幾日時間，呢位仁兄俾人插足110版以上，今日佢有以下回應
--------------------------------------------------
其實我真係冇心令到各位唔開心,同我想講我講嘅係真話,點解我要響呢度對住唔識嘅各位講真話?就係因為除咗呢度, 冇一個地方我可以唔保留講晒出來, 包括女友........我好辛苦呀!!!你地知唔知?????
--------------------------------------------------
我的回應

幾樣野想講
1) 樓主搵唔少$$都係俾得最多1k家用，仲要屋企人俾埋首期?借霍英東個comment:生舊叉燒都過生你
2) 樓主個消費pattern唔可以叫慳囉，當我地捱緊$15-16一個早餐仲嫌貴時，我好難想像樓主要日日$25個翠華早餐囉
3) 去少啲唱K使死嗎?
4) $300萬樓係上車盤?你係唔係過幾年想買天比高?
5) 呢度個個上車前後都捱到pk咁，你想唔使捱又可以買到$300萬上車盤?得，搵李+x做老豆囉
6) 儲唔儲到都係事在人為，我出嚟做野搵得$13K，俾屋企已經$6K，死慳死抵3年後搵個$100萬新界上車盤，咪又係咁!
7) 睇返樓主回應，佢總係藉口多籮籮，真係教你都晒氣!!

咁都叫辛苦?你呢啲叫無病呻吟好多人得嗰$5-6K仲要係三餐僅僅熟又未夠$$住嗰啲先叫辛苦囉唔該BTW，睇你呢個POST唔會令我唔開心應該唔開心嘅係你父母生到你咁大個人唔單止唔可以好似一個廿五六嘅人識得諗，仲要咁鬼自私